隔離屋似乎出左多少烽煙，但應該唔係大問題，合作尼會事本來就陪隨住磨擦，大家都係大男人，無野既~(我覺得)
(0)
隨心 2006年07月09日
今日既議程包括赤膀打機，H漫跟H game 研討，仲有A片鑑賞，會議內容比齊人果時豐富好多…幾好，幾好…
隨心 2006年07月07日
宮春日 14
故事最後是男女主角過著「快快樂樂的生活」，但得罪講句，宮這種性格的女仔，實在是不宜交往…刁蠻、任性、自我中心、不理別人感受﹐要跟這樣的人走在一起難度太高了，對比起來，朝比奈容易相處得多(起碼 '順得人' )。男主角最後的選擇，我會視為是「犧牲」自己來拯救全世界…
Zegapain 13
守和第一戰就出事，尼個安排真係…精彩﹗﹗大概守和之後會以敵人的姿態出現，不會就此退場吧？
「商務」開番
經過幾個月既裝修，新城市廣場果間商務印書局終於開番喇~以後又多番個就腳既地方打書釘了~睇到poster話賣物王亦快將開幕(轉圈)，再開多間賣大陸書就無得頂啦﹗
今日成班人異口同聲叫年青人搵份正職，除左生活體驗有助創作外，起碼要經濟獨立，才有資格講理想嘛，另外，有份工之後，自己就會多左好多理由唔畫野(如好倦，要打機，要睇片，要上網，總之就無時間…)，如果敢樣都無放棄創作既話，大概都會有足夠既意志力去面對種種創作上既挫折了~
隨心 2006年06月30日
- 魔偶終於完左﹗以前睇藤田和日郎果套魔力小馬，真係比佢d 熱血同催淚情節擊中晒，但魔偶就真係有所不及了，去到鳴海得番隻手，生死未明果時都仲ok ，但之後講小滕在馬戲生活果段，只得一個字 - 悶﹗其中作者雖然很努力地加入新人物去豐富故事情節，但結果卻是適得其反，去到後期講述白銀兩兄弟幾百年前，全部的恩怨情仇，到後來得出的種種因果關係，才覺得佢個故仔有點起息…可以見到的是作者在創作之初，對整個故事框架沒有足夠的準備，令故事跑到中段時出現失控的情況，到後期令自己要花九牛二虎之力把四散的技節組合起來，希望佢下個故仔唔好從犯同樣的失誤啦。
-現視研又完左﹗這個還真是有點意外，自己蠻喜歡這套不溫不火的作品，它並不像妄想戰士般把otaku激化，亦沒有狂熱電器般美化otaku，只以一個溫和的角度講述otaku的生活，見到第七期出現兩名外藉人仕加入，還以為會有什麼新劇情推展~不知作者有否篇寫續集的計畫呢？
隨心 2006年06月29日
好熱…除左天氣外，部電腦都係好熱…話說上年換電腦之時，還是在冬季，所以仍感覺不到問題所在，但一踏入06年的夏季，一個無獎金又無獎品的忍耐大賽就正式開始了~
根據顯示，粒cpu散發的溫度有50幾60度之高，而自己身處的室溫好歹也有廿六,七度，坐在電腦前面，就會被兩股能量所型成既”暖流”所包圍，果種蒸三溫暖的感覺真係無得頂呀~經常聽到人說減肥要食低熱量食物，我說cpu也應該向低散熱量發展~