隨心 2006年08月12日
套極惡主義下部睇怕三五七個月都出唔到街，POST幾頁出黎應該都問
題…卦
(0) 行街見到士郎又有騙錢玩意推出，殺價一百五十元的坐台小屏風，漫畫又唔去畫成日搞d握錢野，對佢真係只有失望…
黑布街果間創天最終都係要收當，小小唏噓總會有，話晒我d青蔥歲月都係去黑布街間野買台版漫畫睇，以前果邊都熱鬧過，但衣家d漫畫書屋開到成行成市，仲要減三蚊減四蚊，做唔住都唔覺得奇怪…話實無邊個王朝可以千秋萬世，曾經威過都已經算係唔錯… 幾時銀河兄弟可以威比人睇呢？
見到d買手辦模型既地方都好有夕陽工業feel，d pvc公仔出得都不知幾細緻，仲有「可脫」功能添﹗仲有幾多人去砌手辦呢 ~
隨心 2006年08月03日
見隔離人間散步道，放左張q版頭相出黎，自己又手痕痕搓左個出黎玩，水準當煞係差左好遠啦，但千里之行，始於腳下，點都要有個開始既~
密殺戰群2
以為會爛尾收場的密殺戰群，能以第一部完的方式出版到第二期，當然要買番本支持下鵬哥啦，但睇個勢…大概不會有密殺戰群第二部了~(希望我估錯啦)
zegapain 17
今集的目的大概是介紹敵人的「能力」吧，無限復活加點打都唔死，超級hacker能力加可以以幻體的方式出現，玩晒啦 ~最大的弱點，可能係生活乏味吧~ (睇佢地生活既地方，真係無什麼情趣可言…)
隨心 2006年07月28日
Zegapain這類「廿二世紀殺人網絡」相似的背景設定，越是想寫得合情合理，就越覺得有矛盾出現，例如故事中提到由於侍服器不能容納資料無限制的增長，所以每隔一段時間，機器就會reset一次，所有人的記憶及生活環境也會回到之前的一個特定時間，然後重覆著相同的生活，以限制人及城市的發展與成長，但醒覺後的引導者則不在此限，那問題就來了，若全侍服器內「居住」的人全都成為了引導者時，情況又會如何呢？難道說引導者的「資料」是寄存在另一個侍服器內嗎？都係算把啦，正所謂講故唔好駁故駁嘛~
zegapain16 復活戰場
居然安排守和以這樣的一個方式復活，有點鷹狼傳奇的感覺，不過情況可能還好一點，起碼兩個人可以遊山玩水，只是有點不方便罷 (一定要以機械人為約會地點及「外遊」工具)
隨心 2006年07月26日
不過係無出席一次，估唔到整個世界就已經唔同晒﹗
大幹部A轉職死亡營業員，誓言征服全世界前，先征服全世界的空姐﹗
滑板女王放下滑板，由少年界轉投男男界，開闢另一遍天空；
骷髏騎士由入口商轉營為生產商，生產自家品牌的萌系女FIGURE；
麒麟怪人在亞洲拳壇打遍天下無敵手後，開始學習外語，準備向世界出發；
怪人黑葵2放下雕刻刀，雄心萬丈誓要一雪前恥，再起波瀾；
極惡總部新添置的FIGURE生產線，因等待名人剪綵及大師開光加護，待機中…
死火，睇落有d似d故事完場前last果幕講番d角色去向一樣…
隨心 2006年07月16日
以為半日工夫，點知做到差唔多六點至收到工，雖然加班既收入唔失禮(起碼好過馬會打飛)但比番少少私人時間我得唔得呢？
聞說人間熔爐果邊，添置左部焗爐玩低溫泥，銀河兄弟以後可以向figure界大展拳腳了﹗但我想試下焗蛋糕喎~
隨心 2006年07月10日
本來自己不太會玩模擬飛行遊戲，但il-2對天空的描繪實在是太出色了，受不住誘惑之下就把它帶了回家…
自己以前也曾想過畫一個如飛天紅豬俠之類的故事，但飛行工具要畫得漂漂亮亮實在是不容易，所以就放棄了這個想法。